ගැබිණි මව්වරුන් සදහා රු 20000 පෝෂණීය දීමනාවක් ලබාදීම

ගැබිණි මව්වරුන් සඳහා රු.20,000/- ක පෝෂණීය දීමනාවක් ලබා දීමේ වැඩසටහන

1. 2015 වර්ෂයේ සිට ක්‍රියාත්මක වේ.
2. රජයේ සායනයක ලියාපදිංචි සෑම ගර්භනී මවක්ම මෙම ප්‍රතිලාභය සඳහා සුදුසුකම් ලබයි.
3. මසකට රු.200 බැගින් මාස 10 ක් සඳහා පෝෂණීය ආහාර ලබා ගැනීම සඳහා මෙම ප්‍රතිලාභය හිමි වේ.
4. ලබා ගත යුතු පෝෂණීය ආහාර සෞඛ්‍ය අමාත්‍යාංශය විසින් නිර්දේශ කරන ලද අතර වවුචර්පතේ එය සටහන් කර ඇත.

මෙම ප්‍රතිලාභය ලබා ගැනීම සඳහා අනුගමනය කළ යුතු ක්‍රමවේදය:

1. තමා ගර්භනී මවක් ලෙස තහවුරු කර ගත් පසු මාතෘ සායනයේ ලියාපදිංචි විය යුතු අතර එහිදී මෙම ප්‍රතිලාභය සඳහා අයදුම්පත්‍රය පවුල් සෞඛ්‍ය සේවා නිලධාරිනිය විසින් ලබා දේ.
2. එම අයදුම්පත්‍රය සම්පූර්ණ කර (ගර්භනී මව, ස්ථිර පදිංචි වසමේ ග්‍රාම නිලධාරී, පවුල් සෞඛ්‍ය සේවා නිලධාරී, සායන භාර වෛද්‍යවරයා) ප්‍රාදේශීය ලේකම් කාර්යාලයේ මුල් ළමා විය සංවර්ධන නිලධාරිනියට භාර දිය යුතුය.
3. ගර්භනීභාවයට මාස 03 ක් ඉකුත් වීමට පෙර අයදුම්පත්‍රය ප්‍රාදේශීය ලේකම් කාර්යාලයට භාර දිය යුතු වේ.
4. අයදුම්පත්‍රය භාර දිය යුත්තේ තමා සහභාගී වන සායනය පිහිටි ප්‍රාදේශීය ලේකම් කොට්ඨාසයට අයත් ප්‍රාදේශීය ලේකම් කාර්යාලයටය.
5. වවුචර් පත් 10 කින් සමන්විත වවුචර් පොතක් ප්‍රතිලාභී මවට හිමිවනු ඇත.

වවුචර් පොත ලැබීමෙන් අනතුරුව:

1. ප්‍රාදේශීය ලේකම් කොට්ඨාසය තුල ලියාපදිංචි වෙළඳ සැල්වලින් පමණක් ආහාර ද්‍රව්‍ය ලබා ගත හැකිය. (වෙළඳ සැල් පිළිබඳ තොරතුරු ප්‍රාදේශීය ලේකම් කාර්යාලයෙන් ලබා ගත හැකිය)
2. වවුචර්පතේ සටහන් මාසයේ ආහාර ද්‍රව්‍ය එම මාසය තුලදීම හෝ ප්‍රාදේශීය ලේකම් නිර්ණය කර ඇති දින වකවානු තුලදී රු.2000/- ක සීමාව තුල ලබා ගැනීමට කාරුණික වන්න.
3. වවුචර්පතේ සඳහන් ආහාර කාණ්ඩ කිහිපයම නියෝජනය වන පරිදි ආහාර තෝරා ගන්න.
4. ගර්භනී මව වෙනුවට නම් කරන ලද නියෝජිතයාට වුවද මෙම ප්‍රතිලාභය ලබා ගැනීමට හැකියාව ඇත.
5. ආහාර ද්‍රව්‍ය ලබා ගැනීමේදී ඒවායේ ගුණාත්මක භාවය පිළිබඳ සැලකිලිමත් වන්න.
6. වවුචර්පත් නැතිවූවිටක නැවත වවුචර්පත් නිකුත් කිරීමක් නොකරන බැවින් එය ආරක්ෂා කර ගැනීම ඔබ සතු යුතුකමකි.

පැමිණිලි :

1. ගුණාත්මක තත්වයෙන් නොමැති ආහාර ද්‍රව්‍ය නිකුත් කරන්නේ නම් ඒ පිළිබඳව සෞඛ්‍ය වෛද්‍ය කාර්යාලය, ප්‍රාදේශීය ලේකම් කාර්යාලය, අමාත්‍යාංශ්‍ය දැනුවත් කිරීමට කාරුණික වන්න.
2. ක්‍රම වේදය පිළිබඳ පැහැදිලි කර ගැනීම සඳහා 011 – 2187189 දුරකතන අංකය අමතා සහකාර අධ්‍යක්ෂ පී.බී.ඩබ්.සමීර ප්‍රසාද් මහතා අමතන්න.

Download the application pdf from here